The Poem That Captures The Bravery Of Jhansi Ki Rani

Subhadra Kumari Chauhan, a renowned poet from the Hindi heartland, Allahabad, gave a fitting tribute to the valour of Rani of Jhasi with her immortal lines "Khoob ladi mardaani woh toh Jhansi wali Rani thi."

# Chamak uthi san sattavan mein,
woh talwar purani thi,
Bundele harbolon ke munh
humne suni kahani thi,
Khoob ladi mardani woh
toh Jhansi wali rani thi

# Lakshmi thi ya Durga thi
woh swayam veerta ki avatar,
Dekh Marathe pulkit hote
uski talwaron ke vaar

# Inki gatha chhod, chale hum
Jhansi ke maidano mein,
Jahan khadi hai lakshmi bai,
mard bani mardano mein
Lieutenant Walker aa pahuncha,
aage bada jawano mein,
Rani ne talwaar kheench li,
hua dwand asmanon mein.

# Toh bhi rani maar kaat kar,
chalti bani sainya ke paar,
kintu saamne naala aaya,
tha woh sankat visham apaar
Ghoda adaa, naya ghoda tha,
itne mein aa gaye sawaar,
Rani ek, shatru bahutere,
hone lage waar par waar

# Ghayal hokar giri singhni,
use veer gati pani thi,
Bundele harbolon ke munh
humne suni kahani thi,
Khoob ladi mardani woh
toh Jhansi wali rani thi

# Rani gayi sidhaar,
chita ab uski divya sawaari thi,
Mila tej se tej,
tej ki woh sachchi adhikaari thi
Abhi umra kul teyis ki thi,
manuj nahi avtaari thi,
Humko jeevit karne aayi,
ban swatantrata nari thi,

# Dikh gayi path, sikha gayi
humko jo seekh sikhani thi,
Bundele harbolon ke munh
humney suni kahani thi.